[05/11, 6:29 pm] Dr. Ranbir Singh Dahiya: रागनी 1 से 5
दिवाली..2024
कितै भाई मनैगी दिवाली म्हारै मनैगा दिवाला देखो
यो म्ंहगाई का चाला होरया मुश्किल हुया निवाला देखो
फुलझड़ी और पटाख्यां तैं यो बाजार अटया पड़या
सैक्टर तीन की पुलिया दिहाड़ी की देखूं बाट खड़या
रोज की दिहाड़ी मिलै नहीं टोटा घर मैं आण बड़या
मैं ल्याउं खील और पतासे सोचूं खाली गोज खड़या
उधार कोए दे ना त्यौहार पै होग्या खील का टाला देखो
दिवाली मनै अमीरां की हमतो रीस करां उनकी रै
ल्यावां चीज खरीद कै नै हमतो गोज भरां उनकी रै
आच्छे दिन अमीरां के भाई कमाई गोज धरां उनकी रै
लाखां करोड़ां के बणा पटाखे फैक्टरी मैं मरां उनकी रै
उनके महलां तै चकीचौंध म्हारै घरां अन्धेरा काला देखो।।
प्रदूषण फैलै पटाख्यां का वाता वरण खराब होज्या
कहैं खरीद करो जमकै कदे मौका सुनहरी खोज्या
करल्यां पूजा लक्ष्मी की कदे किस्मत पड़कै सोज्या
के मनाना दिवाली का जो घरमैं बीज टोटे के बोज्या
फेर बी देखा देखी हम ारते यो खरच कुढ़ाला देखो।।
दिवाली का त्यौहार सै बुराई पै अच्छाई की जीत का
बुराई छागी समाज मैं बेड़ा गरक अच्छाई की रीत का
पीस्से उपर कत्ल होज्या सै नाश भीई भाई की प्रीत का
अपने तैं भी गया रै माणस भूलग्या साथ यो मीत का
रणबीर सिंह भ्रष्टाचार नै कर दिया गुड़ का राला देखो।।
रागनी 2
आज दीवाली का दिन है । सुषमा घर के एक कोने में खड़ी खड़ी रो रही है तो उसकी पड़ौसन उससे पूछती है। क्या बताया भला--
सुषमा मनै बतादे क्यों रोवै खड़ी खड़ी।।
के सास नै बोली मारी, के सुसरे नै करदी न्यारी
के नन्द तेरै खोआ लारी, वा करती तेरा मखौल
तूं सोचें जावै पड़ी पड़ी।।
के देवर तेरा गिरकााणा री, के हुया किमै धिंगताणा री,मतना कोए बात छिपाणा री, दिल की घुंडी खोल, के नागन तेरै खड़ी लड़ी।।
दीखै ध्यान राम मैं लाया, उड़ै काम झूठ का पाया
नहीं किमै समझ मैं आया, मन होग्या डामाडोल
या गुत्थी दीखै पड़ी अड़ी।।
क्यों ना दिवाली मनावै री, क्यों ना खोल कै बतावै री, क्यों खड़ी आंसू बहावै री, डाट ले गात की झोल, रणबीर नै छन्द बड़ी घड़ी।।
रागनी. 3
सरतो और उसकी सहेलियां एक खास दिवाली का सपना देखती हैं। क्या बताया भला***
घर मैं सुनायी होवै म्हारी वा दिवाली कद
आवैगी ॥
मार पिटाई बंद हो सारी वा दिवाली कद आवैगी।।
1
रोटी कपडा किताब कापी नहीं घाट दिखाई देंगे
चेहरे की त्योरी मिटजयां सब ठाठ दिखाई देंगे
काम करण के फेर पूरे घंटे आठ दिखाई देंगे
म्हारे बालक बने हुए मुल्की लाठ दिखाई देंगे
कूकै कोयल बागां मैं प्यारी वा दिवाली कद आवैगी।।
मार पिटाई बंद हो सारी वा दिवाली कद आवैगी।।
2
दूध दही का खाना हो बालकां नै मौज रहैगी
छोरी माँ बापां नै फेर कति नहीं बोझ रहैगी
तांगा तुलसी नहीं रहै दिवाली सी रोज रहैगी
बढ़िया व्यव्हार हो ज्या ना सिर पै फ़ौज रहैगी
ना हो औरत नै लाचारी वा दिवाली कद आवैगी।।
मार पिटाई बंद हो सारी वा दिवाली कद आवैगी।।
3
सुल्फा चरस फ़ीम का ना कोए भी अमली पावै
माणस डांगर जिसा ना रहै ना कोए जंगली पावै
दान दहेज़ करकै नै दुःख ना कोए बी बबली पावै
पीस्सा ईमान नहीं रहै ना कोए नकली पावै
होवें बराबर नर और नारी वा दिवाली कद आवैगी।।
मार पिटाई बंद हो सारी वा दिवाली कद आवैगी।।
4
माणस के गल नै माणस नहीं कदे बी काटैगा
गाम बरोना रणबीर का असली सुर नै छाँटैगा
लिख कै बात आम जन की दुःख सुख बांटैगा
वोह तो ढोंगी होगा जो इन सब बाताँ तैं नाटैगा
राड़ ख़तम हों म्हारी थारी वा दिवाली कद आवैगी।।
मार पिटाई बंद हो सारी वा दिवाली कद आवैगी।।
कविता 4
मेरी दीवाली
आस पास पटाखे फूट रहे थे
मैने साइकिल के पैडल फिर
जल्दी से घुमाये तभी
एक धमाके की आवाज हुई
मेरी साइकिल का पिछला
टायर फट गया ट्यूब समेत
दोनो ही बदलने ही होंगे
साइकिल मास्टर ने समझाया
लाला से एडवांस लिए थे
डेढ़ सौ
यदि टायर ट्यूब में खरच
किए तो
बच्चे दिवाली कैसे मनाएंगे???
मेरे कदम बिना टायर ट्यूब
डलवाये
घर की तरफ बढ़ गये
रात बच्चे खुशी से दीवाली
मना रहे थे
कुछ शकुन मिला
रह रह कर पटाखों की आवाजें
आ रही थी परन्तु मेरे कानों को
मजबूरी और गरीबी के धमाकों ने
सुन्न कर दिया था कि कल
काम पर कैसे पहुंच पाउंगा???
गरीबी से ध्यान हटाने को
कई जगह धमाके हो रहे हैं
सबका ख्याल उधर ही है
काश मेरे टायर फटने के
धमाके भी कोई सुन पाता !!!
रागनी 5
गहरे संकट बीच या चौबीस की दिवाली आई रै।।
चुनाव के बाद मायूसी आज चारों कान्हीं छाई रै।।
वातावरण खराब घणा पटाखे चारों कान्हीं
बाज रहे
पराली जलावन के ऊपर दोष सारा इसपै मांज रहे
कारखानों के प्रदूषण नै क्यों छिपारे आज भाई रै।।
शहरों के बाजार सजे हुए खरीद बहुत घनी होरी रै
दूजे कान्हीं गरीबों के भूखे ये छोरे और छोरी रै
दीवे उड़े भी जलाए जां सीता राम की छवि छाई रै।।
कई ढाल की बात सुनाँ हर साल दिवाली क्यों मनाई जा
विष्णु नै हिरण्यकश्यप के वध की बात बताई जा
इस दिन राम की पलटन नै लंका तैं धूल चटाई रै।।
अच्छाई जीती बुराई हारी दिवाली का यो सार बताया
आज बुराई की धौंस देख कै रणबीर घना दुख पाया
आपस के प्यार भाव तैं चाहिए सै दिवाली मनाई रै।।
[05/11, 6:34 pm] Dr. Ranbir Singh Dahiya: दीवाली
*कितै मनै दीवाली चौखी कितै लिकड़या दीखै दिवाला ।।*
*कुछ घर मैं हुया चांदना, घणे घरों मैं हुया अँधेरा काला ।।*
1
बनवास काट वापिस आये जिब दीवाली मनाई जावै
अच्छाई पिटे चारों कान्ही आज बुराई बढ़ती आवै
इसे माहौल मैं दीवाली कोये माणस कैसे आज मनावै
राम की नगरी मैं माणस यो बेबस खड्या लखावै
*म्हारी बदरंगी दुनिया का यो कोण्या पाया राम रुखाला ।।*
कुछ घर मैं हुया चांदना, घणे घरों मैं हुया अँधेरा काला ।।
2
कैसे खील पतासे मैं ल्याऊं, घर मैं मुस्से कुला करैं
मेहनत करकै रोटी खावाँ सां , श्याम सबेरी दुआ करैं
फेर बी उनकी चांदी होरी सै दिन रात जो बुरा करैं
हमनै या दुनिया बनाई , हमतें रामजी क्यों गिला करैं
*राम कै तौ मिटादे यो अँधेरा नातै होगा दुनिया मैं चाला ।।*
कुछ घर मैं हुया चांदना, घणे घरों मैं हुया अँधेरा काला ।।
3
राम राज मैं बढै गरीबी या बात समझ मैं आई कोण्या
इसा के हुया चाला बता , करवाते आज पढ़ाई कोण्या
तेरे राज मैं हमनै रामजी मिलती आज दवाई कोण्या
क्यों थारे राज मैं सुरक्षित आज ये लोग लुगाई कोण्या
*दुनिया का मालिक बणन का करदे राम जी इब टाला ।।*
कुछ घर मैं हुया चांदना, घणे घरों मैं हुया अँधेरा काला ।।
4
बता क्यूकर दीवाली मनाऊं, रास्ता मनै बता दे तूं
समता होज्या दुनिया मैं इसा , रास्ता मनै दिखा दे तूं
औरत नै इन्सान समझां म्हारा हरियाणा इसा बनादे तूं
तेरे बस का ना यो करना तै म्हारे जिम्मै लगादे तूं
*लोगां का भरोसा उठता जावै , कहै रणबीर बरोने आला ।।*
कुछ घर मैं हुया चांदना, घणे घरों मैं हुया अँधेरा काला ।।
[06/11, 6:28 pm] Dr. Ranbir Singh Dahiya: आज दो एकड़ वाले किसान की माली और सामाजिक हालत काफी खराब है, खासकर जब परिवार का कोई सदस्य महिला या पुरुश सरकारी या गैर सरकारी नौकरी पर भी नहीं है। उसकी खेती मुष्किल में है। एकाध भैंस बांध कर उसका दूध बेचकर गुजारा भी मुष्किल हो रहा है। दिन रात पूरा परिवार खास कर महिला वर्ग मेहनत में जुटा रहता है। कवि ने कल्पना की इसकी हालत की और क्या बताया भला-
चारों तरफ तैं घेरया, सांस मुश्किल तैं लेरया
कति निचैड़ कै गेरया, राम क्यूं आन्धा होग्या।।
1
भावां पर निगाह टिकी, बधावण की आस किमैं
बेरा ना ये कितना बढ़ैंगे,आवैगी मनै सांस किमैं
दीखै फंदा यो फांसी का, बख्त नहीं से हांसी का
दौरा पड़ै सै खांसी का, राम क्यूं आन्धा होग्या।।
2
पूरा हांगा ला हमनै दिन रात खेत क्यार कमाया रै
मण्डी मैं जिब लाग्गी बोली बहोत घणा घबराया रै
ना मेरी समझ मैं आया,नहीं किसै नै समझाया
पग पग पै धोखा खाया, राम क्यूं आन्धा होग्या।।
3
धरती बेंक आल्यां कै लाल स्याही मैं चढ़गी लोगो
बीस लाख मैं एक किला कुड़की कीमत बधगी लोगो
बीस लाख मैं का के करुंगा, किस डगर पैर धरुंगा
दो चार साल मैं डूब मरुंगा, राम क्यूं आन्धा होग्या।।
4
मेरे बरगे भाई सल्फास की, गोली खा खा मरते देखो
जी मेरा बी करता खाल्यूं,खाल्यूं गधे खेती चरते देखो
नहीं देखूं मैं कुआं झेरा,रणबीर सिंह साथी मेरा
संघर्ष चलावांगे चौफेरा, राम क्यूं आन्धा होग्या।।
[06/11, 6:31 pm] Dr. Ranbir Singh Dahiya: गिणकै दिये बोल तीन सौ साठ दिल्ली आल्यो।।
ना सुणते बात हम देखें बाट दिल्ली आल्यो।।
1. खत्म म्हारी पढ़ाई तम कति बोलते कोण्या
मरते बिना दवाई तम कति सोचते कोण्या
जुबां कति खोलते कोण्या होगे लाट दिल्ली आल्यो।।
ना सुणते बात हम देखें बाट दिल्ली आल्यो।।
2. इसी नीति अपनाई किसान यो बरबाद करया
घर उजाड़ कै म्हारा अपणा यो आबाद करया
तमनै यो फसाद करया तोलकै घाट दिल्ली आल्यो।।
ना सुणते बात हम देखें बाट दिल्ली आल्यो।।
3. म्हारे बालक सरहद पै अपणी ज्यान खपावैं
थारे घूमैं जहाजां मैं म्हारे खेत खान कमावैं
भूख मैं टेम बितावैं थारे सैं ठाठ दिल्ली आल्यो।।
ना सुणते बात हम देखें बाट दिल्ली आल्यो।।
4. सात सौ चीजां की रणबीर सीम खोल दई
ये भैंस बकरी सब बिकवा बिन मोल दई
मचा रोल दई गया बेरा पाट दिल्ली आल्यो।।
ना सुणते बात हम देखें बाट दिल्ली आल्यो।।
[06/11, 6:36 pm] Dr. Ranbir Singh Dahiya: काढ़ा
छोरी कै ताप आया था मनै देसी काढ़ा प्याया फेर।।
जिब छः दिन हो लिए डाक्टर मनै बुलाया फेर ।।
1
डाक्टर नै पूरी जाँच करकै शुरू कर इलाज दिया
हल्का खाना गया बताया बंद कर सब नाज दिया
दवा लिखी चार ढाल की फीस मैं कर लिहाज दिया
गन्दा पानी फैलावे बीमारी बता यो सही काज दिया
ताप फेर बी ना टूट्या पेट मैं दर्द जताया फेर ||
जिब छः दिन हो लिए डाक्टर मनै बुलाया फेर ।।
2
डाक्टर जमा हाथ खड़े करग्या काली रात अँधेरी थी
बीजल लस्कैं बाल चालती दी बीप्ता नै घेरी थी
खड्या लाखऊँ बेटी कान्ही जमा अकल मारगी मेरी थी
वा नयों बोली बाबू बचाले मैं घनी लाडली तेरी थी
गूंठा टेक कै पाँच हजार ब्याज पै मैं लयाया फेर ||
जिब छः दिन हो लिए डाक्टर मनै बुलाया फेर ।।
चाल गाम तैं बाबू बेटी मेडिकल मैं चार बाजे आये
नर्स डाक्टर सोहरे थक कै हमने आके नै वे ठाए
सारी बात बूझ कै म्हारी फेर बहोत से टेस्ट कराये
एक्सरे देख कै वे डाक्टर फेर आपस मैं बतलाये
परेशान जरूरी सै ताऊ अंत मैं छेद बताया फेर ||
जिब छः दिन हो लिए डाक्टर मनै बुलाया फेर ।।
3
पायां ताले की धरती खिसकी हाथ जोड़ कै फ़रमाया
मेरा खून चाहे जितना लेल्यो चाहूं बेटी नै बचाया
एक बोतल एक माणस तै उसनै यो दस्तूर बताया
ओढ़ानै मैं जाऊं कडे मने पह्याँ कान्ही हाथ बढाया
डाक्टर पाछे नै होग्या उसनै मैं धमकाया फेर ||
जिब छः दिन हो लिए डाक्टर मनै बुलाया फेर ।।
4
पलंग धौरे बैठ गया मेरी बेटी मेरे कान्ही लखाई
एकदम सिसकी आगी मेरे पै ना गयी आंख मिलाई
डाक्टर नै बेरा ना क्यूकर फेर दया म्हारे पै आई
एक मने देई दो उडे तै बोतल खून की दिलवाई
परेशान सही होग्या डाक्टर नै धीर बंधाया फेर ||
जिब छः दिन हो लिए डाक्टर मनै बुलाया फेर ।।
5
बीस दिन रहे मडिकल मैं खर्चा तीस हजार होग्या
एक किल्ला पड्या टेकना पर बेटी का उपचार होग्या
मेडिकल के डाक्टर का सारी उम्र का कर्जदार होग्या
उनकी उड़ऐ देखी जिन्दगी रणबीर सिंह ताबेदार होग्या
इलाज करवाकै बेटी का अपने घर नै मैं आया फेर ||
जिब छः दिन हो लिए डाक्टर मनै बुलाया फेर ।।
[06/11, 6:36 pm] Dr. Ranbir Singh Dahiya: मोदी मोदी होरी थी बता के काढ़या मोदी ल्याकै।।
करी धरती खोसण की त्यारी काले कानून बणाकै।।
1
देश गिरवी टेक दिया ये बदेशी कम्पनी बुलाई
विकास का मुखौटा लाकै अम्बानी नै लूट मचाई
अडाणी खुली लूट मचावै मोदी का ठप्पा लाकै।।
करी धरती खोसण की त्यारी काले कानून बणाकै।।
2
देश का भाई चारा यो करवा कै दंगे तोड़ दिया
कश्मीर मैं किनकी गेल्याँ राज मैं नाता जोड़ लिया
सेकुलर खतरे मैं गेरया हिन्दू का नारा भड़काकै।।
करी धरती खोसण की त्यारी काले कानून बणाकै।।
मुजफ्फर नगर मैं मरवाये दंगा इसा फैलाया
कई सौ साल का भाईचारा चंद घण्टे मैं खिंडाया
देशी बदेशी की लूट छिपावै राष्ट्रवाद का नारा ठाकै।।
करी धरती खोसण की त्यारी काले कानून बणाकै।।
कर कटौती हेल्थ बजट मैं गरीब यो मार दिया
शिक्षा मैं अन्धविश्वास का नक्शा पूरा डार दिया
रणबीर साच्ची बात लिखै अपनी कलम घिसाकै।।
करी धरती खोसण की त्यारी काले कानून बणाकै।।
[08/11, 6:27 pm] Dr. Ranbir Singh Dahiya: 1921 में असहयोग आन्दोलन की लहर उठती है पूरे देश में। जगह-जगह पर प्रदर्शन, धरने किये जाते हैं। महात्मा गान्धी इस आन्दोलन के अग्रणी नेता थे। पुर्नुत्थान के साथ साथ नवजागरण का एक माहौल पूरे देश में बन रहा था। क्या बताया भला:
रागनी 4
उन्नीस सौ इक्कीस मैं असहयोग आन्दोलन की जंग छिड़ी।।
सारे हिन्दुस्तान की जनता फिरंगी गेल्या आण भिड़ी।।
1
जलूस काढ़ते जगां जगा पै गांधी की सब जय बोलैं
भारत के नर नारी जेल गये जेल के भय तै ना डोलैं
कहैं जंजीर गुलामी की खोलैं आई संघर्ष की आज घड़ी।।
सारे हिन्दुस्तान की जनता फिरंगी गेल्या आण भिड़ी।।
2
नौजवान युवक युवती चाहवैं देश आजाद कराया रै
कल्पनादत्त नै कलकत्ता मैं चला गोली था बताया रै
आजादी की उमंग उनमैं भरी नौजवान सभा बनी कड़ी।।
सारे हिन्दुस्तान की जनता फिरंगी गेल्या आण भिड़ी।।
3
ज्योतिबा फुले का चिंतन दलितां नै बार बार पुकारै था
मनु नै जो बात लिख दी उन बातां नै जड़ तै नकारै था
नवजागरण की चिंगारी देश मैं सुलगी कई जगां बड़ी।।
सारे हिन्दुस्तान की जनता फिरंगी गेल्या आण भिड़ी।।
4
एक माहौल आजादी का चारों कान्हीं जन जन मैं छाया रै
गांधी और भगतसिंह का विचार आपस मैं टकराया रै
रणबीर सिंह नै सोच समझ कै नये ढंग की कली घड़ी।।
सारे हिन्दुस्तान की जनता फिरंगी गेल्या आण भिड़ी।।
[09/11, 6:58 am] Dr. Ranbir Singh Dahiya: विश्व कर्मा दिवस के मौके पर
छोटे मोटे औजार हमारे बणाते महल अट्टारी।।
कारीगरों की मेहनत ने इनकी लियाकत उभारी ।।
4
मंजिलों के हिसाब लगाके ईमारत की नींव धरी जाती
मालिक जैसी चाहते वैसी मजबूत नींव भरी जाती
खिड़की दरवाजे रोशन दान की माप तौल करी जाती
करणी और हुनर हथौड़े का ईंट पर ईंट ये धरी जाती
लैंटर डालने की अलग ये होती बतादूँ कलाकारी ।।
2
छजे पर से पैर फिसल जाए सिर धरती में लगे जाकर
एकाध बार पडता कमर के बल फेर रोऊँ ऊंचा चिलाकर
रीड की हड्डी जवाब दे जाए पटकते अस्पताल में ठाकर
सरकार कोए मदद करे ना देख लिया हिसाब लगाकर
काम करने के खतरे इतने भुगतते खुद हारी बीमारी ।।
3
जितनी ईमारत सैक्टरों की सारी हमने बनाई देखो
नींव से लेकर तीन मंजिल की करी ये चिनाई देखो
हमारे लिए एक कमरा है पांच की घर बसाई देखो
इतने महल बनाके रात फुटपाथों पर बिताई देखो
हमारी एकता रंग ल्यावेगी औजारों में ताकत भारी ।।
4
असंगठित क्षेत्र के भाई सारे मिलकर आवाज लगायें
अपने हकों के लिए मजदूर भाइयों को समझायें
वोट के दम पर अपने नेता विधान सभा मैं पहोंचायें
मिलकर विश्वकर्मा दिवस ये सारे हरियाणा में मनायें
कहै रणबीर बरौने वाला ये एकता बढ़ायें हमारी ।।
[09/11, 10:02 am] Dr. Ranbir Singh Dahiya: मां बोली बेटी सुणले तनै उस छोरे मैं के पाया ।।
माता मनै दो तीन बात माणकै आच्छी वो अपनाया ।।॥
1
गांम गुहांड आज बिसरावै म्हारे घरके संस्कारां नै
क्यो जात बाहर लखाओ भूले अपने सरोकारां नै
बोली उनै भूलज्या हम ढूंढ़ां तेरा मन चाहया ॥
2
मैं बोली कौम कति बुरी नहीं लागै दखे माता री
सारी बात सोच लई मेरा जी
मांगै माता री
कई बर सोच्या भूल ज्यां वो हट हट साहमी आया 11
3
बोली आज बेटा बेरी मनमर्जी तैं ब्याह रचाते
ब्याह शादी तैं पहल्यां सारे बन्धन तोड़ बगाते
सांवले रंग की वो छोरा तनै बेरा नहीं क्यूं भाया।।
4
मैं बोली रंग रूप तैं पिछाण करना ठीक नहीं
विचार घने बढ़िया सैं पीटै पुरानी लीख नहीं
बराबर की साथी मानै कई बरियां अजमाया ।।
5
हे बेटी तेरे भाई बाबू कई बै उल्टे सीधे बोलैं
कहैं म्हारी नाक कटा दी
पड़ौसी जहर घणा धोलैं
कई बै रिवाल्वर ले चाल्या रणबीर नै समझाया ॥
[09/11, 10:42 am] Dr. Ranbir Singh Dahiya: दोनूआं के घरके ब्याह तै नहीं राजी देवैं दिखाई बेबे।।
ब्याह करे पाछै के बणैगी मैं इस चिन्ता नै खाई बेबे ॥
1
हुम चाहवां एक दूजे नै या बात बीच मैं आण खड़ी
दो तीन बरिया मेरे ऊपर मेरी मात की मार पड़ी
बोली क्यूं दमयन्ती पाकै काल दिखाऊं खुमार झड़ी
दो दिन की रात चान्दणी आवैगी अन्धेरी रात बड़ी
सबनै मेरे जी के ऊपर कहर कसूती ढाई बेबे ॥
2
मैं बी सोचूं कई बार तै उसतैं रिश्ता अपणा तोड़ ल्यूं
बिचार आवै अनजान तै कैसे रिश्ता अपणा जोड़ ल्यूं
बैठी बैठी कई बरियां सोचूं मैं सिर अपणा फोड़ ल्यूं
घणी बात याद आवैं फेर कैसे मुंह अपना मोड़ ल्यूं
तिरु डूबूं जी मेरा होज्या सै दिल की बात बताई बेबे।।
कैच मुंह अपणा मोडल्यै बताई बने ।।
3
या तो पक्की जरली मेरै उसके बिना नहीं रैह पाऊं
दो दिन बिन फेटें होज्यां
लागै भाज कै मैं मिलने जाऊं
वो बी न्यूं समझावै सोचले कदे पाछै कदम हटाऊँ
साथ मैं न्यूं कहवैगा उमर भर तेरा साथ निभाऊं
एक तरफ नै प्यार मेरा दूजै मात पिता भाई बेबे।।
4
हीर रांझा, सोनी महीवाल प्यार की बोली पढ़गे बेबे
आज भी प्रेमी जोड़े कई ये फाँसी उपर चढ़गे बेबे
हटे पाछे नै फेर आगे म्हारे भी कदम बढ़गे बेबे
दौ साल मैं ऊंच नीच देखकै पूरी ढालां कढ़गे बेबे
मात पिता नै समझाऊँ नहीं तै रहज्याँ बिन ब्याही बेबे।।
